Од движењето „Стоп Русино“ не планираат да престанат со протестите.
Тие донеле одлука да го блокираат влезот на гостиварската депонија за уште нови десет дена.
Во вестите на ТВ21 во 15:15 часот во живо разговаравме со Осџан Врескала од Движењето „Стоп Русино“.
„Нашите претставници имаа состанок со градоначалникот и неговиот тим, а на состанокот се разговараше за неколку теми на коишто крајниот заклучок е дека имаме заедничка цел, а тоа е да се затвори Русино и да престане труењето во Гостивар“, истакна Врескала.
Тој додаде дека Русино не е соодветна локација за депонија и нивното најпрво барање е истата да се затвори.
„Исто така, треба да се најде нова локација за нова депонија по европски стандарди“, порача Врескала.