Оман му достави на Иран предлог за воспоставување заеднички регионален механизам за управување со Ормутскиот теснец, финансиран од доброволни членарини, објави Ројтерс.
Според предлогот на Оман, кој се чини дека добива поддршка во други делови од регионот, Иран нема да врши ексклузивна контрола врз теснецот, витален воден пат за глобален транспорт на јаглеводороди, изјавија извори од Заливот за Ројтерс.
Предлогот е моделиран според Малачкиот теснец помеѓу Индонезија и Малезија, каде што бродските компании доброволно придонесуваат за финансирање на навигацијата, заштитата на животната средина и операциите за пребарување и спасување.
Сепак, иранските власти во понеделник изјавија дека сè уште го контролираат Ормутскиот теснец и не сакаат да продолжат со преговорите со Соединетите Американски Држави.