Еден од лидерите на опозицијата во Мозамбик, Венансио Мондлејн, денеска се врати во земјата и рече дека се уште ги отфрла резултатите од минатогодишните избори, кои беа проследени со повеќемесечни протести.
Мондлејн ја напушти земјата во октомври, по изборите нарушени со обвинувања за местење на гласовите против владејачката партија Фрелимо, која е на власт откако Мозамбик стекна независност од Португалија во 1975 година.
Безбедносните сили денеска употребија солзавец врз поддржувачите на Мондлејн кои се собраа во близина на аеродромот во Мапуто за да го пречекаат.
По пристигнувањето Мондлејн изјави дека продолжува да се бори за својата земја и дека не ги прифаќа резултатите од изборите доколку, како што рече, се исти како и досега објавените.
Владејачката партија беше обвинета за местење на минатогодишните избори, по што по објавувањето на нивната победа избија повеќемесечни протести.
Меѓународните организации за човекови права тврдат дека безбедносните сили убиле повеќе од 100 луѓе за време на протестите, додека некои локални групи велат дека повеќе од 200 луѓе биле убиени двајца високи функционери на неговата партија, Оптимистичката партија за развој на Мозамбик. партија окарактеризирана како политички убиства.
Тој изјави и дека се уште е подготвен да преговара со владејачката партија за прекин на немирите.
„Ако сакате да разговарате со мене, јас сум тука“, рече Мондлејн.
Уставниот совет на Мозамбик ја потврди победата на Фрели во декември, а инаугурацијата на претседателскиот кандидат Даниел Чапо ќе се одржи следната недела.