„Секој кој ќе зачекори во зградата на Пантеон, веднаш ја чувствува тежината на историјата, но и неверојатна леснотија на човечката креативност. Кога влегувате во овој голем простор, погледнете нагоре и ќе го погледнете небото или облакот кој минува, не можете да престанете да размислувате како луѓето можеле да направат вакво нешто“, рече за Би-Би-Си Џон Ошсенсдорф, професор по архитектура и поранешен директор на Американската академија во Рим.
Пантеон е најстарата зграда во светот која и денеска се употребува. Градбата околу 125 години после раѓањето на Исус Христос ја реконструирал римскиот цар Публика Ели Адријан и тоа всушност била трета обнова на објектот. Претходниот Пантеон е запален околу 80.година и обновен после тоа. Сепак, повторно се запалил во 110 година, кога во неа удрил гром, и почнале да кружат шпекулации дека е „проклета“.
Пантеон значи „сите Богови“, и вообичаено се смета дека била места посветено на римските богови, но не е познато дали е така. Не било јасно зошто служел Пантеонот.
Легендите велат дека тоа е место на кое основачот на Рим, Ромул се искачил на небото. Другите веруваат дека во Пантеонот римскиот цар можел да комуницира со Боговите.
Векови после изградбата на Пантеон, многу архитекти ја копирале неговата внатрешност, за на новите градби би дале иста вредност, од американскиот Конгрес во Вашингтон, до зградата „Сомерсет Хаус“ во Лондон.