По четири месеци, повторно над 1.000 нови случаи на коронавирус се регистрирани во Македонија.
Имено, секојдневните биланси за состојбата со ковид-19 покажуваат дека во државава последен пат имало над 1000 нови случаи на ковид-19 на 13 март кога биле регистрирани 1.031.
Во последните 24 часа се направени 6.802 тестирањa, а регистрирани се 1.081 нови случаи на КОВИД-19.
Регистрирани се и 91 оздравени пациенти, а пријавени се 15 починати лица.
Вкупната бројка на КОВИД-дијагностицирани лица во нашата земја од почетокот на епидемијата изнесува 164.529 бројката на оздравени пациенти е 151.235, на починати е 5.589, а бројот на активни случаи изнесува 7.705.