Полицискиот час во Тетово се почитува само во центарот на градот, додека во околните населби можат да се забележат граѓани кои се движат по улиците, но има и такви кои работат. Не сакаа да говорат пред камера, но велат дека им е здодевно дома и дека сакаат да прошетаат надвор, особено кога времето е сончево.
„Во последните 24 часа, 10 граѓани го прекршиле полицискиот час, додека откако Владата донесе одлука за задолжително носење маски, околу 300 граѓани добиле само опомена, а 122 други заработиле соодветна пријава“, истакна репортерот на ТВ21.
Инаку, во Тетово и околните општини во изминатото деноноќие регистрирани се 5 носи случаи на коронавирус, со што вкупниот број на заразени се искачи на 176. Досега 80 пациенти се оздравеле, а 16 ја загубија битката со вирусот.
БРОЈ НА ЗАРАЗЕНИ ВО ТЕТОВО
-Општина Тетово – 84 заразени (6 починати)
-Општина Боговиње – 47 заразени (6 починати)
-Општина Теарце – 18 заразени
-Општина Брвеница – 15 заразени (1 починат)
-Општина Јегуновце – 5 заразени
-Општина Желино – 7 заразени (3 починати)
Новите случаи кои се регистрирани денеска се од Порој, Џепчиште, Слатино и Брвеница. Во Тетово 179 граѓани се во изолација и 7 во самоизолација.