После подолго време во државава, под 1000 е бројот на активни случаи позитивни на корона вирусот, но речиси двојно повеќе беше вчерашната бројка на нови случи позитивни на Ковид-19 за разлика од претходниот ден кога беа регистрирани 16 лица.
Од направени 3.856 тестирања, вчера беа регистрирани 29 нови случаи позитивни на коронавирусот.
Од Министерството за здравство информираат дека вчера се регистрирани 50 оздравени пациенти, а пријавени се вкупно шест починати лица на возраст од 40 до 95 години.
Вкупната бројка на Ковид-дијагностицирани лица во нашата земја од почетокот на епидемијата изнесува 155.407, бројката на оздравени пациенти е 148.960, на починати е 5.448, а бројот на активни случаи изнесува 999.