Многу вкусно јадење кое брзо се подготвува.
Состојки:
– 300 гр тестенини
- Кромид
– 250 гр печурки
- 4 пилешки батаци (без кожа и коски)
– чаша рендан пармезан
- маслиново масло
– 200 мл крем за готвење
– 1 чаша бело вино
– 750 мл пилешка супа
– 1 чешне лук
Подготовка:
Лукот и црвениот кромид исчистете ги и ситно исечкајте ги. Потоа исчистете ги и излупете ги печурките и исечете ги на четвртинки.
Исечете го пилешкото на парчиња со големина на залак и испржете го во сад за рерна со малку екстра девствено маслиново масло.
Кога е готово, извадете го. Додадете уште малку масло и пржете ги ситно исечканиот кромид и лукот во истиот сад во кој сте го печеле пилешкото.
Посолете малку, па чаша бело вино и оставете да испари алкохолот. Гответе околу пет минути.
Додадете ги печурките и варете уште неколку минути. Потоа додадете го кремот за готвење, пилешката супа и зачините по желба и оставете полека да се варат.
Кога ќе почне да врие, додадете ги тестенините. Гответе околу 10 до 12 минути. Потоа додадете го ренданиот пармезан и полека мешајте да се растопи, па сосот ќе се згусне.
Извадете го од шпорет и оставете го да отстои околу пет минути. Додадете го пилешкото и измешајте да се соедини.
Послужете ги топли посипани со рендано сирење и свежо сечкан магдонос или власец.