Градоначалникот на Општина Чаир, Изет Меџити, информираше дека продолжуваат работите на реконструкцијата на неколку улици во оваа општина. Според него, работите се одвиваат на улицата „Емин Дураку“, додека на улиците „Дервиш Хима“ и „Парашкеви Ќириази“ се врши асфалтирање, уредување на тротоарите и на влезовите во станбените објекти.
Меџити изјави дека во овие населби се уредени и поставени нови детски игралишта. Тој побара разбирање од граѓаните во текот на реализацијата на работите.