Шпанија обезбеди грант од 250 илјади евра за подготовка на инвестицијата за продолжување на изградбата на објектите на ФИНКИ и Факултетот за физичко образование, спорт и здравје во Скопје.
Средствата се наменети за техничка помош, подготовка на документацијата и почетната реализација, а не директно за градежните работи. Изградбата на двата објекта започна во 2015 година, но беше прекината во 2019 година, оставајќи ги објектите во фаза на карабина.
Според МОН, кај објектот на ФИНКИ биле реализирани околу 14 проценти од работите, а кај Факултетот за физичко образование околу 16,8 проценти. Во изминатиот период беа ревидирани проектите и се работеа на отстранување на административните и техничките пречки.
Министерството во март соопшти дека процесот за продолжување на изградбата е одблокиран, а Владата најави инвестиција од околу две милијарди денари. Шпанскиот грант, обезбеден преку Банката за развој при Советот на Европа, треба да помогне во подготвителната фаза на проектот.