Силно невреме ја зафати Хрватска: Падна град со големина на ОРЕВ

Силно невреме со град попладне го зафати регионот на Истра. Најлошо беше во централна и северна Истра.

Силен дожд со град со големина на орев падна и во областа Пазин и Бузет. Порталот Истрамет јавува дека на северот на полуостровот температурата драстично паднала од 35 степени на 17 Целзиусови степени.

Сателитските снимки покажуваат олујни облаци кои се движат североисточно, но бурата постепено слабее. Овие олујни облаци се движат кон Македонија.

ДХМЗ денеска објави црвен метео аларм за цела Хрватска. И додека за југот од земјава предупредувањето првенствено се однесува на екстремно високи температури, во другите региони алармот е објавен и поради можност за појава на грмежи со град.

Црвениот метео тревог е во сила за утре и за цела Хрватска. Во четврток ќе биде претежно сончево и многу топло. Во внатрешноста со повремен засилен развој на облачност можна е локална појава на краткотраен дожд со грмежи, главно во попладневните часови во планинските и источните предели.