Сите тестови се негативни – македонската фудбалска репрезентација комплетна тргна кон Букурешт

Македонската фудбалска репрезентација претпладнево со чартер лет ќе замине во Букурешт, каде ќе ги одигра двата од три натпревари во групата на Европското првенство против Австрија и против Украина.

Она што е добро за македонските фудбалери е што сите тестови се негативни, па во комплетен состав експедицијата патува во главниот град на Романија.

Македонија на 13. јуни игра против Австрија, а четири дена подоцна ќе се сретне со Украина.

Потоа експедицијата ќе се упати кон Амстердам, каде е последниот натпревар од групата против Холандија кој се игра на 21. јуни.