Маси поставени надвор од терасите на рестораните, иако такво нешто не е дозволено.
Неколку лица уживаат во средината до Варадар, но масите се поставени на шеталиштето. На сопствениците во „Кеј-13 Ноември“ пред 3 години им беше дозволено да имаат тераси само пред објектите, каде тие земаа 3,5 метри дополнителен јавен простор и ги изолираа со стакло заради пушење.
Но, тоа не им беше доволно, затоа скоро сите ресторани што се таму го окупираат просторот каде што шетаат граѓаните.
Инаку, кога се реновираше „Кеј“, поранешниот градоначалник на Град Скопје, Петре Шилегов, рече дека нема да има маси по тротоарот и граѓаните ќе можат слободно да пешачат, без потреба да седат во ниту една кафеана.
Прашавме во Град Скопје дали ќе преземат мерки, но одговор не добивме до овие вести.