„Имајќи во предвид дека Балканот се наоѓа на крстопатот на мигрантската рута која поминува од земјите на блискиот исток, преку земјите од Балканот до Европската Унија, но и непосредниот факт дека некои 500-тини лица биле упатени на други територии како странски борци, и уште толку се вратиле назад на земјите од Балканот, вклучително и Македонија не прави реално ранливи со оглед радикализмот и тероризмот во суштина претставуваат сериозна закана за стабилноста и безбедноста, вклучително и на земјите од ЕУ“, истакна професорот по безбедност Марјан Ѓуровски во „10 МИНУТИ“ на ТВ21.
Тој смета дека странските борци повратници, како и лицата кои се ранливи покажуваат одредено незадоволство и посегнуваат по одредени групи во делот на радикализмот.
„Имаме државјани кои живееле и егзистирале во сериозни вредности и демократија како што е Австрија, но се одлучиле да посегнат по безбедноста и стабилноста на своите сограѓани. Од тука сметам дека токму оваа балканска рута на мигрантите и повратниците на странските борци, од кој некаде околу 30 се осудени во Северна Македонија за кривичното дело „странски борец“ и „учество на туѓи територии“, од нив веќе 15 се ослободени и претставуваат потенцијален ризик и за земјите од Балканот, но и за целокупниот дел од Европа“, вели Ѓуровски.