Страшна автобуска несреќа на автопат во Хрватска, загинаа најмалку 11 луѓе

ПОСЛЕДНИ ВЕСТИ

Стравична несреќа се случи во Хрватска, во која загинаа 11 лица, пренесуваат хрватските медиуми.

Автобус со полски регистарски таблички, излетал од автопатот А4 кон Загреб, и според првите информации, има и многу повредени.

Несреќата се случила помеѓу местата Јарек Бисашки и Подворец, пренесува „Вечерњи лист“. Ангажирани се екипи на брза помош.

Според истиот медиум, загинаа 11 лица, а повредени се повеќе од 40, но се стравува дека овие бројки не се конечни.

До несреќата дошло рано наутро во 5:40 часот. Засега нема информации за причините за несреќата.

Ова е една од најтешките несреќи во Хрватска. Во 2008 година 14 словачки туристи загинаа во несреќа на автопатот А1. Минатата година косовски автобус излета од патот и смртно настрадаа девет лица. Во 2012 година осум чешки туриски загинаа на автопатот Загреб – Сплит.

ФОТО: Вјеран Зганец Рогулја/Пиксел