Во скопската Зоолошка градина се случи светски феномен.
За прв пат добиени се шест пара близначиња лемури.
„Денеска се прославува Интернационалниот светски ден на јогата, а лемурите се сметаат за основоположници на оваа дисциплина. Во светот дури постои и се практикува Лемога- јога со лемури. Овие прекрасни животни од Мадагаскар, секое утро, во јога поза седат свртени кон сонцето. Во Скопје ЗОО кај оваа екипа од Мадагаскар годинава имаме најмногу подмладоци, а особено е интересен податокот дека за првпат добивме шест пара близначиња што е светски феномен. Лемурите се еден од најзагрозените видови на светот, а Скопје ЗОО придонесува за зголемување на бројот на овие единки чии природни живеалишта се повеќе се намалуваат. Да ни се живи и здрави малечките“, напишаа од Зоолошката.