Најмалку 28 талибанци загинаа во вчерашните два напада врз аеродромот во Кабул, изјави неименуван талибански извор.
– Изгубивме повеќе луѓе од Американците, изјави анонимниот извор додавајќи оти талибанците „не се одговорни за хаотичниот план за евакуација осмислен од странските држави”.
Претходно, Пентагон соопшти дека во вчерашните два самоубиствени напада врз влезовите на кабулскиот аеродром загинаа 13 американски војници, а 18 се повредени.
Одговорноста за нападите ја презеде огранок на Исламска држава.