Полицијата во Скопско уапси 19-годишник од село Бојане, осомничен за убиство на 18-годишник од истото село, јавува ТВ21. Според Министерството за внатрешни работи, инцидентот се случил на 15 мај 2026 година во шума во близина на Сарај, додека апсењето е извршено на 17 мај во раните утрински часови.
Осомничениот М.Б. го признал делото, додека полицијата го пронашла телото на жртвата и осомниченото оружје употребено во кривичното дело. Против него ќе биде поднесена кривична пријава за „убиство“.
„На 17.05.2026 во 00:50 часот во с.Бојане, скопско, полициски службеници од СВР Скопје го лишија од слобода М.Б. (19) од с. Бојане поради основано сомнение за сторено кривични дело „убиство“ по член 123 од КЗ. Претходно, на телефонската линија за итни повици 192 се јавил неговиот татко И.Б. и пријавил дека М.Б. му признал дека на 15.05.2026 во шума во околината на с.Сарај со пиштол го усмртил Б.Д. (18) од Бојане. Од страна на полициските службеници, М.Б. е приведен во полициски службеници, а пронајдени се и телото на Б.Д. и пиштолот со кој е извршено убиството. По документирање на случајот, против М.Б. ќе биде поднесена соодветна кривична пријава.“, се вели во соопштението на полицијата.