Најмалку три лица загинаа, а тројца се повредени во експлозија и уривање на трикатница во холандскиот град Хаг.
Експлозија во трикатница во Хаг предизвика делумно уривање на зградата и предизвика голем пожар.
Како што е соопштено, експлозијата се случила во 6:15 часот и предизвикала значителна штета и пламен.
Градоначалникот на Хаг, Јан ван Занен изјави дека од урнатините се извлечени три тела, додека три лица се повредени, од кои едно потешко. Се проценува дека под урнатините има повеќе луѓе.
Спасувачките екипи ќе ја продолжат потрагата по преживеани во текот на ноќта.
Како одговор на експлозијата и потенцијалната опасност, за безбедност на жителите се евакуирани околу 40 станови во близина.
Иако причината за експлозијата сè уште не е позната, полицијата побарала секој што има информации за возилото што веднаш по експлозијата се оддалечило од местото на настанот, да излезе.