Граѓаните, особено тие од руралните средини, ќе имаат многу полесен пристап до лекарите, а нема да имаат потреба да одат во здравствени установи. Гинеколошки и дерматолошки здравствени консултации може да се вршат онлајн преку апликација, која овозможува директен контакт со лекарите од теренот.
Калтрина Шерифи: Целта на целиот проект е да ги известиме сите возрасти за превенција на гинеколошките и дерматолошките болести, значи да ги имаат поблиску сите информации за овие болести.
Како работи апликацијата, како можат да контактираат со лекарите?
Калтрина Шерифи: Ќе имаат директен пристап до лекарите, значи ќе имаме бесплатна апликација која може да ја преземе секоја жена во нејзиниот телефон и може директно да ги праша нашите лекари кои се наш кадар, значи ние сме 15 вработени и таму може да се пријави секој.
Гинекологот Мерал Реџепи, е една од лекарките кои ќе можете да ги контактирате. Таа за ТВ21 вели дека апликацијата ќе биде од голема корист посебно за жените кои живеат во руралните средини.
„Се знае дека потешко им е пристапот до лекар, мора да се превезуваат, да имаат придружник, да им треба термин. Сметавме разумно да ги скратиме овие патеки, плаќањата што ќе ги носам на лекар преку тимот што го организира овој проект, имавме желба и главната цел беше да бидеме во контакт со пациентите што е можно полесно и што е можно повеќе и како многу блиску до нив, со цел да се разјасни давањето совети, известувањето со главните симптоми на некои болести кои се однесуваат на репродуктивното здравје на жените и групата наши маргинализирани жени“, вели Мерал Реџепи.
Покрај консултациите, на граѓаните им се нуди и голем избор на производи од органска основа кои беа почетна точка на проектот, а кои ги содржи БД ОРГАНИКС.
Во рамките на проектот „Ера на органска грижа“ одржани се бројни конференции во руралните средини, директни средби лекар-граѓани во села, формирана е веб-страница со информации (https://jmorganics.mk/home) како и апликација, која се очекува да биде достапна за граѓаните за еден месец. Проектот е соработка помеѓу БД Органикс и Фондот за иновации и технолошки развој.