Додека седел во еден локал во Боговиње, 47 годишен маж со иницијали А. Џ. бил смртно застрелан. Осомничен за убиството е неговиот соселанец со иницијали М. М. , 50 годишен, кого веќе го уапсила полицијата.
-47 годишен маж од Боговиње е убиен во локалот кој е зад мене од страна на осомничениот М.М. 50 годишен од истото село. Осомничениот е уапсен во Тетово на улицата Цветан Димов од припадници на СВР Тетово додека се движел со возило БМВ. Потоа во возилото е пронајдено и оружјето. Тој во моментов се наоѓа во полициска станица а на местото на настанот се екипи на СВР Тетово и тетовското обвинителство-вели репортерот на ТВ21 Сенат Зилбехари.
Од обвинителството потврдија дека сторителот на делото е идентификуван и уапсен како и дека е пронајдено оружјето со кое е извршено убиството.
Според првичните информации, настанот се случил во угостителски објект во кој во тој момент имало и други лица. Осомничениот и жртвата имале вербална расправија, по што сторителот извадил огнено оружје и започнал да пука.
Обвинител издал наредба за обдукција на телото на починатиот како и наредба за прибирање докази од местото на настанот. Исто така се врши распит на сведоци на настанот и други лица.
Убиен 47-годишен маж од Боговиње, осомничениот е уапсен, мотивите не се познати, на убиството претходела вербална расправија
НАЈНОВИ ВЕСТИ
