Војната меѓу Русија и Украина продолжува да се интензивира. Украина во текот на ноќта изврши масовен напад со околу 400 беспилотни летала врз Москва, само еден ден откако Русија го изведе еден од најголемите балистички ракетни напади врз Киев од почетокот на целосната инвазија.
Според руските власти, во нападот две лица се повредени, а на повеќе локации избувнале пожари на објекти. Од местата погодени од нападот се издигнувал густ чад, јавуваат локалните власти.
Во последните месеци Киев значително ги засили нападите врз руска територија, наведувајќи дека тие претставуваат одговор на повеќегодишните руски воздушни напади врз украинските градови и инфраструктура.
Само еден ден претходно, Русија го бомбардираше Киев речиси пет часа, во еден од најголемите балистички напади од почетокот на војната.
Во меѓувреме, вниманието на Европа е насочено и кон политичките случувања во неколку земји. Во Унгарија, претседателот во заминување Тамаш Шуљок, близок сојузник на премиерот Виктор Орбан, се согласи да се повлече под притисок на новата влада предводена од Петер Маѓар.
Во Германија, оставката на висок функционер од владејачката демохристијанска партија му отвора можност на канцеларот Фридрих Мерц да направи реконструкција на владата, која се соочува со сериозни политички предизвици.
Во Обединетото Кралство, пак, се очекува Енди Барнам да ја преземе функцијата премиер од Кир Стармер, што претставува уште една значајна политичка промена на европската сцена.