Попладнево кај Струмица избувнал голем пожар. Поточно во реонот меѓу Софилари, Градски гробишта, Баница.
Градоначалникот на Струмица Костадин Костадинов со реакцијата на социјалните мрежи ја потрвди оваа информација и соопштио дека сите капацитети на ТППЕ Струмица се на терен. Тој апелира инспекторатот за земјоделство да соработува и да излезе веднаш на терен.
Стојанче Ангелов – директор на ЦУК за ТВ Сител изјави дека пожарот кај Струмица опфаќа реон меѓу Ангелци – Водоча – Струмица и се шири кон Василево. Испратени се пожарникари од Валандово, Радовиш и Богданци. Хеликоптер вечерва не може да се активира, ако има потреба утре рано од сабајле.
Ангелов потенцира дека пожарот е настанат од стрниште, последниот период гори трска и останата вегетација, дува силен ветер кој го отежнува или оневозможува гаснењето на пожарот. На терен се и екипите на ТППЕ Струмица, Радовиш, Валандово и Богданци.