Закажале термин кај матичниот лекар и чекаат на ред да се вакцинираат против грип.
-Втор ден бесплатна вакцинација против сезонски грип за лицата со ризик, ТВ21 е во Поликлиниката Бит Пазар за да види како се одвива процесот на имунизација, вели репортерката на ТВ21, Алмедина Исмајли.
Повозрасните велат дека вакцините им помагаат да го пребродат грипот без симптоми или компликации.
Пунктот кај поликлиниката Бит Пазар има околу 2.000 вакцини против грип, а само попладнево се имунизирани 150 пациенти.
Александра Грозданова, координатор за имунизација, вели дека вакцините се безбедни, граѓаните треба да се заштитат.
Над 27.000 граѓани од ризични групи се пријавиле за бесплатна вакцинација против сезонски грип. Имунизацијата започна вчера и е наменета за лица над 65 години, лица со хронични заболувања, здравствени работници, трудници, деца од 6 месеци до 5 години.