ВМРО-ДПМНЕ: Македонскиот јазик не е гарантиран со предлогот со кој се фали Владата

ПОСЛЕДНИ ВЕСТИ

„Јазикот не е гарантиран, власта на Ковачевски прифаќа Бугарија да ни ги пишува учебниците.“, велат од ВМРО-ДПМНЕ околу предлогот од ЕУ за решавање на спорот со Бугарија.

„Власта се фали дека е гарантиран јазикот, а тој е оспоруван, додека учебниците ќе ни ги пишува Бугарија.

Македонскиот јазик не е гарантиран со предлогот со кој се фали владата. Официјалниот јазик  на земја кандидат за ЕУ, се признава во поглавје 34. Македонскиот јазик го нема во предлогот, и постои опасност кога ќе се отвори и затвори поглавјето 34 истиот да биде оспоруван.

Со овој предлог се остава проблем и можност јазикот да биде оспорен, бидејќи тој не е гарантиран.“, се вели во соопштението на ВМРО-ДПМНЕ.

Дополнително со предлогот историската комисија е таа која ќе може и понатаму да биде кочничар на се, доколку нешто не е по волја на Бугарија. На Бугарија едноставно и се дава право да ги пишува учебниците по историја во Македонија.

Власта не обезбедува ништо. Отвора само бројни проблеми. Затоа премногу е. Потребни се избори, час побргу.