Два балони на топол воздух се урнаа во централна Турција, при што загина најмалку едно лице, а 19 се повредени, објави денес државната телевизија ТРТ.
Според извештаите, еден од пилотите на балоните починал.
Несреќата се случила за време на летот што започнал во живописната долина Ихлара, дел од регионот Кападокија, главна туристичка дестинација позната по своите драматични пејзажи и возења со балони што привлекуваат стотици илјади посетители секоја година.
Причината за несреќата сè уште не е утврдена.