Српскиот претседател Александар Вучиќ денес изјави дека во 2035 година ја гледа Србија како членка на Европската Унија, со променет и поуспешен здравствен систем, како и со сосема поинаков пристап кон образованието.
Вучиќ, на презентацијата на националната стратегија „Србија 2030“, рече дека за реформите и неопходните промени во земјата се зборува со децении, како и дека денес, кога луѓето зборуваат за реформи во образованието, не зборуваат за наставната програма и децата, туку само за зголемување на платите и истакна дека денес имаме највисоки плати во историјата на Србија, во секој сектор.
„Кога луѓето зборуваат за реформа на образованието, тие не зборуваат за наставната програма. Тие не зборуваат за нашите деца. Тие зборуваат само за „кога повторно ќе ми ја зголемите платата?“, рече Вучиќ.
Тој изјави дека денес е најдоброто време за живеење во српската историја и истакна дека денес, во споредба со 2012 година, српските граѓани трошат 2,6 пати повеќе пари во странство.
„Во суштина, тоа е многу повеќе и трошиме многу повеќе пари на полуксузни места отколку што беше случај порано. Дозволете ми само да ви кажам колку се промени животот во Србија, колку е подобар. Среќен сум за тоа. Сè уште не е добро, но ќе мора да се промениме самите“, рече Вучиќ.