Американската полиција во американската престолнина уапсила лице кое наводно се обидело да помине контролен пункт во градот со фалсификувана дозвола за присуство на инаугурацијата на новоизбраниот американски претседател Џо Бајден.
Наводно поседувало и наполнет пиштол со повеќе од 500 парчиња муниција.
Припадниците на Националната гарда ги засилија локалните безбедносни сили во главниот град на САД и повеќе од 25.000 припадници на безбедносните сили се очекува да присуствуваат на церемонијата на 20 јануари. Инаку, според Си Ен Ен, Џо Бајден веднаш по стапувањето на должност планира да потпише десетици укази и наредби, со кои или ќе се поништат одлуките на администрацијата на Трамп или ќе се истуркаат политиките што беа неостварливи за време на неговото владеење.