Инстаграм профилот на принцезата Шарлин од Монако ненадејно беше избришан откако почнаа шпекулациите дека го напуштила својот сопруг принцот Алберт и се преселила во Швајцарија.
Принцезата која на својот профил го носи прекарот „најтажната принцеза на светот“, најчесто споделувала моменти со своите близнаци како и објави поврзани со нејзината хуманитарна работа.
Според различни информации, поранешната пливачка летото го поминала со сопругот и близнаците на јахта, но не се вратила дома, пишува Klix.ba.
Некои извори тврдат дека принцезата Шарлин и принцот Алберт се преправаат дека се пар само за јавноста, иако тоа одамна не е случај. Исчезнувањето на нејзиниот профил на Инстаграм загрижи многу фанови кои веруваат дека принцезата со години страда од лошиот третман во кралското семејство.
Сепак, според најавите, и Шарлин и Алберт наскоро ќе отпатуваат во Африка, родната земја на поранешната олимпијка и професионална пливачка, за да учествуваат на Water Bike Challenge, односно натпревар со воден велосипед организиран од фондацијата што го носи нејзиното име.