Arrestohen 4 persona në Prizren

Policia e Kosovës bëri bastisjen në një shtëpi në Prizren dhe arrestoi katër persona, të dyshuar për armëmbajtje pa leje dhe kontrabandim të njerëzve për në vende të ndryshme të Evropës. Ndërsa katër të tjerë gjenden ende në arrati. Të arrestuarit dyshohet se kanë bashkëpunuar edhe me persona të tjerë jashtë Kosovës, për t’i kontrabanduar njerëzit në vende të ndryshme të Evropës si në Francë, Zvicër dhe Gjermani.