Шефот на делегацијата на Европскиот парламент за Црна Гора, Владимир Билчик, изјави дека минатата година е тешка за сите во Европа и дека пандемијата влијае на проширувањето на ЕУ.
„Како член на Европскиот парламент, не можам да патувам на Западен Балкан повеќе од една година. И многу ми беше жал за континуираното„ неодлучување“ за отворање преговори за пристап со Северна Македонија и Албанија“, изјави Билчик за „Побједа“ во Подгорица.
Тој најави дека следниот месец министрите за надворешни работи на ЕУ, заедно со Борел, треба да имаат тешка дискусија за проширувањето кон Западен Балкан.
Зборувајќи за Црна Гора, тој рече дека оваа година може да биде значајна за таа земја да ја докаже својата решеност да оди напред на европската агенда.