Филипче најави вакцинација со забрзано темпо со новите 100.620 дози „Фајзер“ и 500.000 на „Синовак“

ПОСЛЕДНИ ВЕСТИ

Во земјава вчера пристигнаа 100.620 дози вакцини „Фајзер” што Владата ги набави преку Ковакс механизмот. Според министерот за здравство Венко Филипче, вакцинацијата во текот на следните денови ќе се одвива со забрзано темпо, што значи дека ќе бидат вакцинирани сите пријавени граѓани.

Планот е до 15 јули сите пријавени бидат вакцинирани. Нема да има разлика во индикациите во однос на вакцините Фајзер или Синовак сите ќе бидат дистрибуирани со тоа што фајзеровите вакцини во големите центри за имунизација кај што има такци фрижидери, тоа се осум такви центри низ државата, а вакцините на синовак и таму и во другите помали здравствени домови поради тоа што полесно се даваат“, вели Филипче.

Филипче потенцира дека списокот е ревидиран, што значи без разлика кога се пријавиле граѓаните, почнувајќи од понеделник сите ќе добијат термин во период од две недели. Тој додаде дека засега вакцинирањето нема да биде задолжително.

Ќе ја интензивираме и кампањата што е многу битно, го припремаме и системот за теренска вакцинација некаде околу 15 да започне, така да сите тие грашани ќе добијат термин.“, вели Филипче.

Министерот најави дека утре со два авиони по 250 илјади дози од Кина ќе пристигне пратката од 500 илјади вкацини на „Синовак“. На вакциналните пунктови во државата заклучно со завчера вакцинирани се вкупно 289.305 граѓани. Преку веб-платформата vakcinacija.mk досега се пријавиле 460.702 граѓани за вакцинирање, информираа од Министерството за здравство. Во државата, вкупно се аплицирани 501.506 дози вакцини, а ревакцинирани се 212.201 граѓани.