Храна која треба да ја консумираме секој ден доколку сакаме успешно да ослабеме

ПОСЛЕДНИ ВЕСТИ

НУтриционистите сметаат дека јајцата се совршена храна и за сето тоа можат да се заблагодарат за нивниот состав. Имено, јајцата се богати со протеини, здрави масти и голем број важни есенцијални витамини и минерали. Исто така, многу експерти препорачуваат јајца како задолжителна храна за сите оние кои се обидуваат да ги изгубат вишокот килограми.

Освен што се многу вкусни и брзо се подготвуваат, јајцата се богат извор на протеини и најмногу содржат вода, па затоа се и калориски соодветно јадење за сите оние кои се грижат за здрава исхрана, особено додека се трудат да ослабат. Протеините и водата се исто така најважните материи во нашето тело и се клучни за развојот на телесните ткива, особено мускулите.

Освен тоа, јајцата се нискокалорични, а токму намалениот внес на калории или таканаречениот калориски дефицит е најважниот предуслов за почеток на слабеење. Едно просечно јајце има околу 78 калории, а е многу богато со нутриционизам, поради што со додавање на зеленчук е сосема доволно за квалитетен оброк.

Според клиниката во Кливленд, поради споменатите придобивки, нутриционистите сметаат дека е сосема во ред, дури се препорачува да се јаде по едно цело јајце секој ден, вклучувајќи ја и жолчката, доколку имате здраво ниво на холестерол во крвта и немате кардиоваскуларни болести. Имено, експертите нагласуваат дека повеќе од едно јајце на ден може да биде потенцијално лошо за вашето здравје, без разлика дали се работи за слабеење или не.

Имено, причината поради која треба да избегнувате повеќе од една жолчка секој ден е тоа што содржи голема количина на заситени масти и може да го подигне нивото на лошиот холестерол во крвта. Иако храната што ја јадете не е единствениот фактор за развој на висок холестерол, сепак е важно да се грижите за тоа.

„Кога подготвувате јајца, исто така, треба да се чувате настрана од додавање на животински масти како што се путер, сланина или свинска маст бидејќи тие исто така содржат големи количини на заситени масти. Наместо тоа, многу подобра опција е да користите маслиново масло или некој вид растително масло, а белките можете да ги зголемите без да додавате многу животинска маст со пржење со зеленчук, здрав сос или различни билки“, советува нутриционистката Сузан Кембел. .