Лажна тревога за присуство на сомнителна експлозивна направа денеска претпладне ги ангажираше полициските сили во областа на улицата „Елбасан“ во Тирана, во близина на Амбасадата на Соединетите Американски Држави.
Сепак, тревогата за бомба се покажала како неоснована.
Веднаш по пријавата, на местото пристигнале бројни полициски екипи, кои утврдиле дека станува збор за пластична кофа со грав оставена на улица, која не претставувала никаква закана за јавната безбедност.
Припадниците на државната полиција претходно го обезбедиле периметарот и го блокирале сообраќајот на делницата каде што бил забележан сомнителниот предмет.