Граѓаните да внимаваат- има многу крипто измамници – може да ги контактираат преку Фејсбук и Телеграм и да нудат брза заработувачка – предупреди во емисијата „Бизнис 21“ универзитетскиот професор Орце Симов.
Тој апелираше граѓаните да не веруваат на оние лица и страни на социјалните мрежи кои ветуваат дека за неколку денови ќе ги дуплираат нивните пари. Вели, најважно е приватниот клуч да не се дава никому – ниту на познати ниту на непознати лица.
Има ли такви во моментов кои што функционираат, такви лица, сајтови? На кои можеме да предупредиме.
„Такви луѓе што се занимаваат со такви измами има многу. Но може многу често некој да ве контактира преку Фејсбук, или доколку вие имате одредена, била, за криптовалутите имаат канали на Телеграм, така што може доколку некој има некакво прашање да праша нешто таму, дека има некаков проблем, доколку постави некакво прашање, тогаш, измамници се исто така членови во тие Телеграм канали. Они ќе видат дека одредено лице поставило некакво прашање и тие ќе му пристапат на него“, вели Орце Симов.
Во Македонија над 30.000 граѓани инвестирале во крипто валути. Колку тежат нивните виртуелни паричници никој не знае, бидејќи овој пазар кај нас се уште функционира во сива зона. Владата најави законска регулација, но познавачите предупредуваат, да се следи примерот на развиените земји, за да не се изгубат инвеститорите.
„Моментално нема плаќање, само тоа што го спомнав пред малку банките не дозволуваат трансфери од крипто во денар и денар во крипто, обратно.Така да поради тоа и поради немање законска регулатива нема никаква облигација за плаќање на данок на добивка. И исто сакав да заклучам, дури и да се донесат регулативи не смее да има данок на добивка на крипто валути зошто во тој случај никој не би дошол да инвестира во Македонија. Зошто има многу држави кои што имаат подобри регулативи“, вели Дарко Симуновски.
Според Симов и Симуновски, со законска регулација на крипто валутите, ќе има прилив на нови инвестиции, нови вработувања, а државата ќе има бенефит од прилив на повеќе пари од даноци.