Реваншот меѓу Олександр Усик и Даниел Дубоа одржан на легендарниот Вембли беше многу повеќе од обичен боксерски меч – се претвори во вистински спортски и финансиски спектакл.
Усик триумфираше со импресивен нокаут во петтата рунда, потврдувајќи ја својата апсолутна доминација во тешката категорија и обединувајќи ги сите клучни светски титули.
Но, покрај спортската победа, имаше и финансиска – Украинецот заработи неверојатни 113 милиони евра, надминувајќи го својот претходен рекорд од борбата против Тајсон Фјури (95 милиони).
Поразениот Дубоа не си замина ниту со празни раце – тој собра дури 60 милиони евра, што е петнаесет пати повеќе отколку што доби во дуелот со Ентони Џошуа.
Вкупната сума во овој реванш изнесуваше огромни 173 милиони евра, што го прави овој настан најпрофитабилен во историјата на тешката категорија.
Борбата се одржа како дел од престижната серија „Ријадска сезона – Квинсбери“, која уште еднаш го потврди статусот на Саудиска Арабија како нова глобална сила во светот на борбените спортови.
Со оваа победа, Усик дополнително го зацврсти својот статус во рингот, но и меѓу најплатените спортисти на денешницата.