„Ловот на велигденски јајца“ во југозападна Германија во неделата доби загрижувачки пресврт кога двајца мажи открија шишенце со ознака „полониум 210“ во нивната градина, што предизвика итна реакција додека властите ја тестираа потенцијално смртоносната радиоактивна супстанца, објави ДПА.
Шефот на противпожарната служба на округот, Енди Дорох, изјави дека
на местото на настанот биле направени првични мерења за откривање
на радиоактивност, но сите биле негативни. Тој додаде дека двајцата мажи не се повредени. Во голема операција по откривањето биле вклучени пожарникари и полиција во градот Вајхинген ан дер Енц, северозападно од Штутгарт.
Сè уште не е познато дали шишето од 50 милилитри всушност содржи полониум 210. Пожарникарите ќе го обезбедат шишето во согласност со безбедносните мерки, изјави шефот на противпожарната служба. Извештаите покажуваат дека областа околу местото каде што е пронајдено шишето е оградена.
Според Федералната канцеларија за заштита од зрачење (BfS), хемискиот елемент полониум е особено опасен ако се вдише или апсорбира преку отворени рани на кожата.