Universal Studios Hollywood објави дека денеска ќе биде затворено „поради екстремни ветрови и шумски пожари“ во областа. Во самото студио нема пожар, но одлуката е донесена од „изобилство на претпазливост“, пренесува Sky News.
– Како и секогаш, безбедноста на нашите членови на тимот и нашите гости е врвен приоритет – се наведува во соопштението.
Забавниот парк и филмското студио, лоцирани во долината Сан Фернандо, се очекува повторно да бидат отворени утре. Годишните награди за избор на критичарите, кои требаше да се одржат во недела, се одложени за две недели, додека објавувањето на номинациите за Оскар е поместено од петок 17 јануари во недела на 19 јануари.
Од средата вечерта е прогласен полициски час во Малибу и Санта Моника поради грабежите кои се случуваат.
– Луѓето се обидуваат да ја искористат оваа криза, што е апсолутно неприфатливо. Сите ќе се здружиме за да ги направиме населбите безбедни – рече Линдзи Хорват, окружна надзорничка.
Досега за грабежи се уапсени 20 лица.
Таа ги повикува жителите да патуваат само доколку е апсолутно неопходно. Прекинот на гас моментално погодува околу 15.000 луѓе во Малибу, додека метрото стана бесплатно, за да им се овозможи на жителите да се евакуираат.