Јужноамериканското дерби помеѓу Бразил и Аргентина во квалификациите за пласман на Мундијалот во Катар идната година, е прекинато од бизарни причини.
Имено, Бразил наложува карантин за сите патници од Британија, а со оглед дека во селекцијата на Аргентина има тројца играчи кои доаѓаат од Премиерлигата, здравствените власти ги „бркале“ по теренот, и наложиле да одат во изолација, односно сметале дека ги прекршиле мерките.
Станува збор за играчите на Аргентина, Емилијано Мартинез, Џовани Ло Селсо и Кристијан Ромеро кои играат во Премиерлигата.
Па така дербито е прекинато, и веројатно нема да продолжи, барем не денеска. Останува да се види како ФИФА ќе реагира во овој случај.