Улицата „Ферид Мурат“ во Општина Чаир денеска се асфалтира, во рамки на завршувањето на нејзината целосна реконструкција, известува ТВ21. Градоначалникот на Чаир, Изет Меџити, информираше дека работите го опфаќаат најголемиот дел од улицата, нагласувајќи дека интервенцијата има цел подобрување на инфраструктурата и условите за одвивање на сообраќајот за жителите.
„Добро утро од улицата „Ферид Мурат“, која денеска го добива својот нов изглед! Улицата „Ферид Мурат“, една од најважните сообраќајници во Чаир, денеска се асфалтира во најголемиот дел од неа, со што се заокружува целосната реконструкција на оваа улица. Нова инфраструктура, инвестиција која значително го менува овој дел од Чаир и го подобрува секојдневието на граѓаните. Улица по улица, проект по проект, го градиме Чаир што го ветивме. А денеска, резултатите од оваа работа се гледаат насекаде“, напиша Меџити.