Пратеникот на Алијанса за Албанците, Халил Снопче, во синоќешната емисија „Click Plus“, говорејќи за изборите на 11 јануари во општините Гостивар и Врапчиште, каде оваа партија ќе настапи со свои кандидати, соопшти дека без разлика на противкандидатите од коалицијата ВЛЕН, НАИ ќе ги освои овие две општини. Во врска со имињата кои кружат во јавноста дека противкандидат на Валбон Лимани би можел да биде Невзат Бејта, Снопче вели дека тоа го покажува нивниот менталитет и дека со Невзат Бејта, според него, не може да има промени.
„Па сега, промените со Рамиз Мерко се прават со Невзат Бејта? Нека дојдат и пет Невзат Бејта, зборувам за нивниот менталитет, за какви промени зборуваме? Дури и да дојде предвид Невзат Бејта, јас не ја разбирам нивната поставеност. Ако дојде, тогаш тоа нам ни одговара“, рече Снопче.
Кој и да биде кандидат, ние имаме огромна предност, нема дилеми. Разликата е исклучително голема: 13 илјади гласови во најлош случај, дури и ако ВМРО ги поддржи, ќе имаат 2.500 гласови повеќе — тоа е нивниот капацитет.“
Во врска со обединувањето на пратениците на АА во една единствена пратеничка група и поддршката на идејата на пратеникот Илир Демири за обединување на пратениците и субјектот, Снопче вели дека остануваат отворени за сите опции, но во моментот ќе делуваат како пратеници на НАИ, се додека не се отворат преговорите за членство во ЕУ.
„Нашите врати се отворени за сите; секој што смета дека неговото место е во АА е добредојден. И да формираме и пратеничка група. Но за тоа треба да ги увидиме околностите.“, рече Снопче.
„Во моментот сите опции остануваат отворени. Но нормално, ние сме го изјавиле, а тоа го има изјавено и претседателот на АА, Арбен Таравари, дека на овие избори настапуваме како НАИ и оваа коалиција — оваа заедница Национална алијанса за интеграција — продолжува сè додека барем не ги отвориме преговорите за членство во Европската Унија, за да ја реализираме нашата примарна цел.“, вели Снопче.
Снопче соопшти дека доколку се одржат предвремени парламентарни избори, тие ќе настапат како НАИ. Во врска со обединувањето на АА, тој вели дека изненадувања во политиката се случувале и дека времето ќе покаже.