Тие кои пред две години пишуваа на Фејсбук, ќе завршат исто на Фејсбук, изјави првиот човек на Алијансата за Албанците, Зијадин Села, пред огранокот на оваа партија кој синоќа се собра во Тетово. Говорот на Села се фокусираше на предавството кон АА, алудирајќи на Арбен Таравари.
„Имам загриженост за изборите од 2022 година овде во Тетово, но не се загрижувајте, ја видовте вие, ја видоа и Албанците од Липково до Гостивар таа саботажа и предавство на вашиот труд, а многумина го користат зборот „ние“„ и „тие“, постои само ние во Алијанса за Албанците, постои само „ние“ и тука е Алијансата за Албанците. И сега ги гледаш луѓето и се враќаш година или две наназад и ќе ги видите нивните ставови со Фејсбук објави и исто како што делуваа низ годините со Фејсбук објави, тие ќе завршат со Фејсбук објави“, вели Села.
Пратеничката Илире Даути рече дека Села никогаш не ги предал Албанците, а увери дека АА ќе се врати уште посилна во Тетово.
„Нелогично беше една политичка партија и таков лидер да се доведе во ситуација да мора да поднесе оставка и таа вечер претседателот беше принуден да поднесе оставка, кратко бидејќи Зијадин Села не ги направи Албанците зрна во странските бројачи, ова не е вина и неуспех, но се докажа дека не е ничиј неуспех, туку се докажа дека тоа беше неуспех за тетовци, за Албанците насекаде, затоа и денес и пред две недели кога се врати на чело на АА ве уверувам дека со истата енергија ќе продолжиме таму каде што застанавме“, рече Даути.
На оваа средба со структурата во Тетово имаше и други партиски функционери, меѓу кои и оние кои се дел од власта, како министерот за здравство Илир Демири, кој рече дека не знае да држи говори, но вети дека ќе ја врати довербата во здравствениот систем.