Најмалку 12 лица загинаа, а 10 други се тешко повредени откако автобус со полски регистарски таблички рано во неделата излетал од патот и се превртел во источна Унгарија.
Несреќата се случила во близина на градот Мезокерестеш, околу 140 километри источно од Будимпешта. Унгарската полиција соопшти дека автобусот излетал од автопатот и се превртел во крајпатен канал околу 1 часот по полноќ.
Итните служби веднаш пристигнале на местото на несреќата и работеле на извлекување и згрижување на преживеаните, како и на утврдување на сите околности на трагедијата, а повредените патници биле пренесени во болници на лекување.
Унгарскиот премиер Петер Маѓар изрази сочувство до семејствата на загинатите и им оддаде признание на припадниците на итните служби кои интервенирале на местото на несреќата.
Истрагата продолжува, а дополнителни информации за жртвите и причините за несреќата се очекуваат откако властите ќе ги завршат истражните дејствија.