Американскиот претседател Доналд Трамп денеска најави дека во понеделник телефонски ќе разговара со рускиот претседател Владимир Путин, како и дека ќе разговара и со украинскиот претседател Володимир Зеленски.
„Во понеделник, во 10:00 часот, ќе разговарам на телефон со претседателот на Русија, Владимир Путин. Темите на разговорот ќе бидат запирање на „крвопролевањето“ во кое просечно убиваат повеќе од 5.000 руски и украински војници неделно. Потоа ќе разговарам со претседателот на Украина, Зеленски“, рече Трамп во објавата на социјалната мрежа Truth Social.
Трамп додаде дека по разговорите со рускиот и украинскиот претседател ќе разговара и со „разни членки на НАТО“.