Обвинителството го окарактеризира како терористички акт нападот на полициската станица во Босанска Крупа, во кој еден полицаец беше убиен, а друг повреден.
Напаѓачот (15) синоќа влегол во полициска станица и со ладно оружје прво го нападнал Огњен Маран, кој веднаш им подлегнал на повредите. Потоа ја нападнал Авда Хасановиќ, која синоќа била оперирана и сега е надвор од животна опасност. Напаѓачот е уапсен.
Истражните дејствија што ги извршија кантоналниот обвинител и истражителот на Секторот за криминалистичка полиција траеја од 22:45 до 00:30 часот и се завршени.