Силен земјотрес го погоди Мјанмар, а истиот предизвика огромни бранови во базените низ Бангкок.
Ова драматично видео го прикажува базенот на покривот на луксузен хотел и избезумените гости фатени во напад на паника.
Семејството, за кое се верува дека се корејски туристи, се засолнило во затворено со своето мало дете додека огромни бранови се удирале врз прозорците и над големата палуба на базенот.
На социјалните мрежи излегоа и видеа на кои може да се виде излевањето на вода низ улиците на градот од врвовите на облакодерите..
Да потсетиме, силен земјотрес со јачина од 7,7 степени според Рихтеровата скала утрово го погоди централниот дел на Мјанмар, а беше почувствуван и во Тајланд, Лаос, Индија и Кина.
Moment of the 7.7 Magnitude powerful earthquake in Bangkok, Thailand 🇹🇭 (28.03.2025) pic.twitter.com/KOLTBVS4ES
— Disaster News (@Top_Disaster) March 28, 2025
Американскиот геолошки институт (USGS) објави дека епицентарот на земјотресот бил на 16 километри северозападно од градот Сагаинг на длабочина од десет километри.
Rooftop infinity pool turns into a waterfall during the Bangkok earthquake (shot by my realtor) pic.twitter.com/Li5A5ONCdb
— Legal Mindset (@TheLegalMindset) March 28, 2025
Десет минути подоцна, Мјанмар го погоди уште еден земјотрес, но нешто поблаг, со јачина од 6,4 степени според Рихтеровата скала.
Силни земјотреси се проширија на Тајланд и Јунан во југозападна Кина, а видеата на социјалните мрежи покажуваат оштетувања на зградите во Бангкок.