Денешниот лет од Скопје до Тревизо од компанијата „Виз-Ер“, е откажан поради декретот од Владата на Италија со кој цела Ломбардија и други 14 северни провинции се ставени под карантин поради коронавирусот.
Во таа зона влегуваат и Милано и Венеција, градовите кои имаат редовни линии за Скопје.
Авио компанијата објави дека се суспнедирани сите летови кон Бергамо, Милано и Тревизо до 3. април. Исто така е објавено дека може да се очекуваат и други откажувања на летови за кои компанијата има продадено мал број карти.
Патниците чии летови се откажани, ќе бидат известени 14 дена пред закажанот лет и ќе им биде понудена алтернатива или враќање на парите за билетот.
Летовите од Скопје за Рим – Чампино не се откажани.