Повеќе од 300 килограми кокаин се запленети во Германија благодарение на брзата размена на информации меѓу Одделот за криминалистичка полиција при Министерството за внатрешни работи на Северна Македонија и Американската агенција за борба против дрога (ДЕА).
Според неофицијални информации, дрогата била скриена во контејнер со банани, кој од Еквадор пристигнал во пристаниште во Холандија, а потоа бил транспортиран во Германија.
По размената на информации меѓу македонската полиција и американската ДЕА, германската полиција го открила сомнителниот товар и запленила повеќе од 300 килограми кокаин.
Оваа операција ја потврдува важноста на меѓународната соработка и размената на информации меѓу полициските служби во борбата против трговијата со дрога.